*🌿 साकुरी ते अस्तगाव – शेणाच्या बाप्पाने जुळले मनाचे बंध! 🌿*

*शिर्डी आवाज न्यूज | साकुरी (प्रतिनिधी)*

गणपती बाप्पा म्हणजे श्रद्धा, उत्साह आणि आता पर्यावरणाची जाणीवही!

साकुरी येथील रहिवासी आणि माझे जिवलग कॉलेज मित्र *श्री. अनिल भागवत उपाध्ये व सौ. सविता अनिल उपाध्ये* यांनी अस्तगाव येथील आपल्या प्रसिद्ध *’साई स्नेहा आर्ट गॅलरी’* मध्ये एक आगळावेगळा उपक्रम राबवला आहे.

त्यांनी *गीर गाईच्या पवित्र शेणापासून* साक्षात श्री गणेशाची सुंदर, मनमोहक मूर्ती साकारली आहे. ही मूर्ती पाहताच मन प्रसन्न होतं. पूर्णपणे नैसर्गिक, बायोडिग्रेडेबल आणि पर्यावरणपूरक!

हीच सुंदर मूर्ती त्यांनी भेट स्वरूपात साकुरीच्या कर्तव्यदक्ष लोकनियुक्त सरपंच *सौ. मेघना संदीप दंडवते व श्री. संदीप दंडवते* यांना सप्रेम भेट दिली.

सरपंच महोदयांनीही ही भेट मनापासून स्वीकारली आणि या स्तुत्य उपक्रमाचे कौतुक केले. ही भेट म्हणजे केवळ मूर्ती नाही, तर *पर्यावरणपूरक गणेशोत्सवाची एक गोड प्रेरणा* आहे.

*उपाध्ये परिवाराचे मनःपूर्वक आभार!*

गणपती बाप्पा हे आपल्या सर्वांचे आराध्य दैवत. उत्सव साजरा करताना आपण निसर्गाचीही काळजी घ्यायला हवी. चला तर मग, यंदाच्या गणेशोत्सवात आपण सर्वजण शाडू मातीच्या किंवा अशा शेणापासून बनवलेल्या मूर्तींना प्राधान्य देऊया आणि खऱ्या अर्थाने बाप्पाला प्रसन्न करूया.

*गणपती बाप्पा मोरया! पर्यावरणपूरक गणेशोत्सवाचा नारा घुमूया!*

शिर्डी आवाज न्यूज