*🔵 टायर पंक्चर दुकानदाराच्या मुलाची गरुड झेप! NEET मध्ये ५३० गुण, नाशिकच्या शासकीय वैद्यकीय महाविद्यालयात MBBS ला निवड*

*राहाता (शिर्डी आवाज न्यूज) -* जिद्द, मेहनत आणि चिकाटी असेल तर कोणतीही परिस्थिती आड येऊ शकत नाही, हे राहाता येथील *साहिल शकील भाई इनामदार* याने सिद्ध करून दाखवले आहे.

सामान्य टायर पंक्चर दुकानदाराचा मुलगा असलेल्या साहिलने अत्यंत प्रतिकूल आर्थिक परिस्थितीत *NEET परीक्षेत ५३० गुण* मिळवत घवघवीत यश संपादन केले आहे. या यशाच्या जोरावर त्याची *नाशिक येथील शासकीय वैद्यकीय महाविद्यालयात MBBS अभ्यासक्रमासाठी निवड* झाली असून महाराष्ट्रात त्याने सुमारे *४००० वा क्रमांक* पटकावला आहे.

या अभिमानास्पद यशाबद्दल राहाता शहरातील मुस्लिम बांधवांच्या वतीने *राबियानगर येथील शाही मशिदीत* त्याचा जाहीर सत्कार करण्यात आला. याप्रसंगी गटनेते नगरसेवक हाजी मुन्नाभाई शाह, मौलाना अल्ताफ शहा,जमीलभाई शहा कॉट्रॅक्टर,आलिमभाई शहा,शकील इनामदार,अन्वरभाई सय्यद,अतिक रफिक शाह ,आरिफभाई शहा,राजुभाई इनामदार,इलियासभाई शहा,खिजर शहा,व समाजातील मान्यवर उपस्थित होते.

सत्काराला उत्तर देताना साहिल भावुक झाला. तो म्हणाला, _”शासकीय महाविद्यालयात प्रवेश मिळवून आई-वडिलांच्या कष्टाचे चीज करणे आणि त्यांचे स्वप्न पूर्ण करणे हेच माझे ध्येय होते.”_

परिस्थितीचे रडगाणे न गाता तरुणांनी ध्येयाचा पाठपुरावा करावा, इतर होतकरू विद्यार्थ्यांना प्रेरणा मिळावी या हेतूने मुस्लिम समाजाने एकत्र येत हा प्रेरणादायी सन्मान सोहळा आयोजित केला होता.

साहिलच्या या यशामुळे राहाता शहरातून सर्व स्तरातून त्याचे कौतुक होत आहे.

शिर्डी आवाज न्यूज