*शिर्डी: रक्षाबंधनाच्या मुहूर्तावर साईचरणी हिऱ्यांची भेट; गुजरातच्या साईभक्ताकडून साडेचार लाखांचे सोन्याचे ब्रोच दान*
*शिर्डी – प्रतिनिधी*
श्री साईबाबांवर देश विदेशातील लाखो भाविकांची अपार श्रद्धा आहे. भाविक साईबाबांच्या झोळीत भरभरून दान देत असतात. याच श्रद्धेपोटी आज रक्षाबंधनानिमित्त एका साईभक्ताने मौल्यवान भेट अर्पण केली आहे.
वडोदरा, गुजरात येथील साईभक्त *श्री तीर्थकुमार पटेल* यांनी *४ लाख ५० हजार रुपये किंमतीचे ३१ ग्रॅम वजनाचे आकर्षक नक्षीकाम केलेले हिरे जडीत सोन्याचे ब्रोच* श्री साईचरणी अर्पण केले.
दान दिल्यानंतर श्री साईबाबा संस्थानच्या वतीने संस्थानचे मुख्य कार्यकारी अधिकारी *श्री गोरक्ष गाडीलकर* यांनी देणगीदार साईभक्तांचा सत्कार केला.
