🪑 शिर्डी गांवाची आण, बाण आणि शान, असणाऱ्या कुटुंबाचे योगदान 🪑

साईबाबांच्या पदस्पर्शाने पावन झालेल्या शिर्डी गावाचं नावं जगाच्या नकाशावर सुवर्ण अक्षराने कोरलं गेलं आहे. परंतु साईबाबांच्या हयातीपासून ते आजपावेतो शिर्डीच्या जडणघडण तसेच विकासामध्ये अनेक कुटुंबाचा त्याग, मोलाचे सहकार्य असून त्यामध्ये जमीनरूपी देणगी सर्वात महत्वाची असून त्यामुळेच साईमंदिर, धर्मशाळा अस्तित्वात आहे.
सन्मानीय कोते, गोंदकर, शेळके, शिंदे,जगताप, शेजवळ, आरणे, दारुवाले,नागरे, सजन, लोढा, गंगवाल, पठाण, धाकतोडे, भुजबळ, मिराने,खांबेकर यासंह अनेक कुटुंबे दिडशे वर्षाहून जास्त काळापासून शिर्डीत वास्तव्यास आहे. यापैकी अनेक कुटुंतील पूर्वजांनी साईबाबांची सेवा केली आहे. त्यांची सेवा, प्रेम आणि योगदान यामुळेच साईबाबांनी शिर्डीत राहण्याचा निर्णय घेतला तर अंतीम श्वासही याच भूमीत घेतला.काळानुसार बदलणाऱ्या याच गावाचं रूपांतर शहरात झालं, ग्रामपंचायत ते नगरपालिका, नगरपंचायत ते आज नगरपरिषद या माध्यमातून शिर्डीतील अनेकांनी या शहराला एक नवा आकार आणि विकासाच्या माध्यमातून रोजगार उपलब्ध करून दिला. मात्र पस्तीस ते चाळीस वर्षांपासून सर्वप्रथम पद्मविभुषण बाळासाहेब विखे पाटील, नामदार राधाकृष्ण विखे पाटील, डॉ. सुजय विखे पाटील यांनी शिर्डी गांवाची राजकीय धुरा सांभाळत या शहरात रेल्वे स्टेशन, एअरपोर्ट, प्रशस्त रस्ते, पाण्याची सुविधा, चोवीस तास वीज उपलब्ध करून दिली आणि आज या गावाला विखे पाटलांचा राजकीय गड म्हणून नावारूपाला आणले, मात्र ज्या गावातील ग्रामस्थांनी आजपर्यंत गावामध्ये झालेल्या अप्रिय घटनेच्या विरोधात राजकीय जोडे बाजूला ठेऊन एकत्र येऊन न्याय देण्याची भूमिका घेतली, त्याच आमच्या शिर्डीमध्ये आजरोजी नगरपरिषद निवडणुकीत केवळ नगराध्यक्ष पद आणि पडलेल्या आरक्षणावरून नाराजी आणि मतभेद होत असतील तर यामुळे शिर्डीचे ऐक्य आणि भविष्य धोक्यात आले आहे हे आमचे दुर्दैव म्हणावे लागेल. शेवटी ही लोकतांत्रिक प्रक्रिया आहे, आरक्षणाची सोडत ही पारदर्शी आणि शासकीय दालनात कॅमेरा आणि जनतेच्या समोर काढली जाते. आणि पंचवीस वर्षानंतर जर एका समाजाच्या पदरात हे आरक्षण पडले असेल तर त्याचे स्वागत करून हा निर्णय सन्मानाने स्वीकारला तरंच शिर्डी गावचा एकोपा टिकून राहील. अर्थात आपल्या प्रत्येकाच्या सत्तेच्या कालावधीत आपलं गावं देशातील दुसऱ्या तर राज्यातील पहिल्या क्रमांकाचे स्वच्छ शहर म्हणून लागोपाठ पाच वर्षांपासून पारितोषिक घेत आहे याचा आम्हाला सार्थ अभिमान आहे.
आता शेवटी नगराध्यक्ष कोणीही होऊ द्या मात्र तुमचे मार्गदर्शन आणि साथ याशिवाय त्या पदाला कोणतीही किंमत नाही हे समजलं तरी पुष्कळ. आणि नामदार राधाकृष्ण विखे पाटील आणि डॉ. सुजय विखे पाटील हे आजही आपले कुटुंब प्रमुख म्हणून जबाबदारी पाडत असून शिर्डीतील सर्वं जाती धर्मातील जनतेला समान न्याय देत आहे आणि देत राहणार हाच सर्वांचा दृढ विश्वास आहे.
शेवटी बाबांची मर्जी .

शिर्डी आवाज न्यूज