शिर्डीत ८ वे मोफत नेत्र तपासणी व मोतीबिंदू शस्त्रक्रिया शिबिर संपन्न
शिर्डी : समाजसेवेच्या भावनेतून साई संगम सेवाभावी संस्था, शिर्डी आणि आर झुनझुनवाला शंकरा आय हॉस्पिटल, नवी पनवेल यांच्या संयुक्त विद्यमाने शिर्डीत भव्य ८ वे मोफत नेत्र तपासणी व मोतीबिंदू चिकित्सा शिबिर आयोजित करण्यात आले होते.शिबिराचे उद्घाटन संदीपभाऊंचे बंधू सुनीलभाऊ सोनवणे यांच्या हस्ते करण्यात आले.
हे शिबिर रविवार, दि. २२ मार्च २०२६ रोजी सकाळी ९.०० ते दुपारी १.०० या वेळेत पार पडले असून, नागरिक मोठ्या संख्येने सहभागी झाले होते.या उपक्रमाला राहाता तालुका अध्यक्ष (राष्ट्रवादी काँग्रेस पक्ष) संदीप सोनवणे यांचे मार्गदर्शन लाभले.
शिबिरामध्ये तज्ज्ञ डॉक्टरांकडून मोफत नेत्र तपासणी करण्यात आली असून, गरजू रुग्णांची मोतीबिंदू शस्त्रक्रिया देखील विनामूल्य करण्यात येणार आहे. विशेष म्हणजे, शस्त्रक्रियेसाठी येणाऱ्या रुग्णांच्या राहण्याची व जेवणाची व्यवस्था देखील मोफत करण्यात येणार आहे.
शिबिरासाठी आलेल्या रुग्णांची नाश्ता,जेवण आणि राहण्याची सोय संदीपभाऊ सोनवणे यांनी व्यवस्थित केली होती.जवळपास १४५ ते १५० रुग्णांनी या शिबिराचा फायदा घेतला.
स्थळ : हॉटेल साई संगम, वॉटरपार्क जवळ, शिर्डी
अधिक माहितीसाठी संपर्क : ९८२३४२०७६५ / ९०११११३३४४ या ठिकाणी हे शिबीर पार पडले.
या उपक्रमामुळे शिर्डी परिसरातील गरजू नागरिकांना मोठा दिलासा मिळाला असून, आरोग्य सेवेच्या माध्यमातून सामाजिक बांधिलकी जपण्याचा हा स्तुत्य प्रयत्न संदीपभाऊ सोनवने यांचा मानला जात आहे.
या शिबिरासाठी पत्रकार राजूभाई पठाण,सुनीलभाऊ तुपे,ज्ञान सिंग भदोरिया जनरल मॅनेजर,चंद्रकांत देवकर, विलास गायकवाड, अमोल कमतकर, व कर्मचारी वृंद उपस्थित होते.
