*श्री साईचरणी 15 लाख रुपये किमतीचा हिरेजडित मोरपिसाकार ब्रोच अर्पण; अज्ञात साईभक्ताची भक्ती*
*शिर्डी, —श्री साईबाबांवरील अढळ श्रद्धेपोटी आज एका साईभक्ताने *अंदाजे 15 लाख रुपये किंमतीचा, 76 ग्रॅम 270 मिलीग्रॅम वजनाचा आकर्षक नक्षीकाम केलेला हिरेजडित मोरपिसाच्या आकाराचा ब्रोच* श्री साईचरणी अर्पण केला.
हिरे, पाचू, नीलमणी व माणिकांच्या जडणावळीने सजलेला हा मोरपिसाकार ब्रोच अत्यंत देखणा आहे. मध्यभागी मोठा हिरवा पाचू असून त्याभोवती हिरे, नीलमणी व लाल खड्यांची कलात्मक मांडणी करण्यात आली आहे.
ही मौल्यवान देणगी श्री साईबाबांप्रती असलेल्या श्रद्धा व भक्तीभावाचे प्रतीक आहे. देणगी स्वीकारल्यानंतर *श्री साईबाबा संस्थानच्या वतीने मुख्य कार्यकारी अधिकारी श्री. गोरक्ष गाडीलकर (भा.प्र.से.) यांनी देणगीदार साईभक्तांचा सत्कार केला.*
सदर साईभक्तांच्या विनंतीनुसार त्यांचे नाव जाहीर करण्यात आलेले नाही.
