शिर्डी आवाज न्यूज-
साकुरीत जागतिक पुरुष दिन व राणी लक्ष्मीबाई जयंतीनिमित्त विविध मान्यवरांचा सन्मान, संदीपभाऊ दंडवते व ग्रामविकास अधिकारी सोमनाथ पटाईत यांचा विशेष गौरव
समाज, कुटुंब आणि गावाच्या विकासात योगदान देणाऱ्या पुरुषांचा गौरव, आरोग्य, शिक्षण, स्वच्छता, पाणीपुरवठा, पोलीस, होमगार्ड यांचाही सन्मान

ग्रामपंचायत कार्यालय साकुरी येथे जागतिक पुरुष दिन व राणी लक्ष्मीबाई जयंतीनिमित्त आयोजित सन्मान कार्यक्रमातील मान्यवर. (छायाचित्र: शिर्डी आवाज न्यूज)
*साकुरी:* जागतिक पुरुष दिन व इतिहासातील सर्वकालीन महान राज्यकर्त्यांपैकी एक असणाऱ्या राणी लक्ष्मीबाई यांच्या जयंतीनिमित्त आज ग्रामपंचायत कार्यालय साकुरी येथे कार्यक्रम आयोजित करण्यात आला. समाजाच्या जडणघडणीत पुरुषांचे असलेले योगदान, समाज व कुटुंबाप्रती असलेली जबाबदारी याचा गौरव या कार्यक्रमात करण्यात आला.
*कार्यक्रमाचा उद्देश*
समाजाच्या जडणघडणीत पुरुषांचे योगदान मोलाचे आहे. सर्व जाती धर्माच्या लोकांना प्रेमाने वागवणे, त्यांच्या सण-उत्सवामध्ये भाग घेणे, गावातील सर्व आडनावांच्या समस्या ऐकून त्यांच्या अडचणी सोडवणे, वादळ, वारा, पूर व जेव्हा जेव्हा गावात समस्या निर्माण झाल्या त्यावेळेस ठामपणे दिवस-रात्र न पाहता ग्रामस्थांच्या पाठीशी खंबीरपणे उभे राहणे, आधार देणे, आरोग्य, शिक्षण, समाजसेवा व गावाच्या विकासात दिलेले योगदान या सर्व बाबींचा या कार्यक्रमात गौरव करण्यात आला.
*संदीपभाऊ दंडवते व सोमनाथ पटाईत यांचा सन्मान*

गावाच्या विकासात व समाजसेवेत दिलेल्या योगदानाची दखल घेऊन प्राथमिक आरोग्य केंद्र साकुरी येथील सर्व स्टाफ व गावातील सर्व आशासेविका यांच्या वतीने मा. संदीपभाऊ दंडवते व ग्रामविकास अधिकारी मा. सोमनाथ पटाईत यांचा भेटवस्तू देऊन यथोचित सन्मान करण्यात आला.

*इतर मान्यवरांचाही सन्मान*
यावेळी आरोग्य उपकेंद्राचे म्हस्के डॉक्टर व त्यांचे कर्मचारी, पंचायत समितीचे अधिकारी म्हणून भारत बनसोडे, ग्रामस्थ म्हणून बाळूनाना बनसोडे, व्यापारी म्हणून व्यापारी असोसिएशनचे धीरज पटेल, साकुरी शाळेतील शिक्षक, ग्रामपंचायतचे स्वच्छता कर्मचारी, पाणीपुरवठा कर्मचारी, क्लार्क, वायरमन, होमगार्ड, पोलीस या सर्वांचाही सन्मान करण्यात आला.

हा सन्मान प्रथम लोकनियुक्त महिला सरपंच साकुरी सौ. मेघना संदीप दंडवते यांच्या वतीने करण्यात आला.
*राणी लक्ष्मीबाई यांना अभिवादन*
यावेळी राणी लक्ष्मीबाई यांच्या प्रतिमेस अभिवादन करण्यात आले. राणी लक्ष्मीबाई यांचे शौर्य, नेतृत्व आणि स्वाभिमान आजही समाजाला प्रेरणा देणारा आहे, असे मत यावेळी व्यक्त करण्यात आले.
*उपस्थिती*
या कार्यक्रमाला ग्रामपंचायत पदाधिकारी, कर्मचारी, आरोग्य विभागाचे कर्मचारी, आशासेविका, शिक्षक, व्यापारी, ग्रामस्थ मोठ्या संख्येने उपस्थित होते.
*- शिर्डी आवाज न्यूज, संपादक: राजुभाई पठाण*
*सर्वसामान्यांचे हक्काचे व्यासपीठ*




















