राहाता शहरात ईद-उल-अजहा अर्थात बकरी ईद मोठ्या उत्साहात, भक्तिमय आणि धार्मिक वातावरणात साजरी करण्यात आली. सकाळपासूनच शहरातील प्रमुख ईदगाह मैदान परिसरात मुस्लिम बांधवांची मोठी गर्दी पाहायला मिळाली होती.
बकरी ईदनिमित्त शहरातील प्रमुख ईदगाह मैदानात विशेष नमाज अदा करण्यात आली. नमाजपूर्वी धर्मगुरूंनी ईद-उल-अजहाचे महत्त्व सांगत त्याग, समर्पण, मानवता आणि बंधुभावाचा संदेश दिला. नमाज पूर्ण झाल्यानंतर मुस्लिम बांधवांनी एकमेकांना आलिंगन देत ईदच्या शुभेच्छा दिल्या. तसेच देशात सुख-समृद्धी, शांतता आणि भाईचारा कायम राहावा यासाठी अल्लाहकडे विशेष प्रार्थना करण्यात आली.
राहाता शहरात सणाच्या पार्श्वभूमीवर पोलिस प्रशासनाकडूनही चोख बंदोबस्त ठेवण्यात आला होता. ईदगाह परिसरात वाहतूक व्यवस्था सुरळीत राहावी यासाठी विशेष नियोजन करण्यात आले होते. त्यामुळे सण शांततेत आणि उत्साहपूर्ण वातावरणात पार पडला.
यावेळी धर्मगुरू मौलाना याहया कासमी, राहाता नगरपरिषद गटनेते हाजी मुन्नाभाई शाह, पत्रकार राजुभाई पठाण,सामाजिक कार्यकर्ते इलियास शाह, पत्रकार मुस्ताक शाह, पत्रकार जावेद सय्यद,मौलाना अल्ताफ, मौलाना रेहान, इलियासभाई शहा सर,मौलाना लतीफ, मौलाना कमरुद्दिन, मुफ्ती अब्दुल रहीम, हाफिज अकील, जमील शहा,हाफिज शकील, मौलाना मसूद, मौलाना अजिम, मौलाना अरबाज, हाफिज मुकिम, मौलाना शोएब ,आतिकभाई शहा,खिजर शहा,मुनवर इनामदार,जमील इनामदार,शाहिद शेख़,सिराजभाई कालुभाई शेख़,बादशाहभाई पठाण,आसिफ़ पठाण,मतिन पठाण अंसारभाई शेख़,मोहसिन शेख़,अज़ीज़ शेख़ यांच्यासह मोठ्या संख्येने मुस्लिम बांधव उपस्थित होते.
