लोणी खुर्दने जपली कृतज्ञतेची परंपरा; शिर्डीचे पहिले आमदार स्व. चंद्रभान दादा घोगरे पाटील यांना अभिवादन
लोणी खुर्द, दि. 1 मे: कृतज्ञतेची परंपरा जपत लोणी खुर्द ग्रामस्थांनी आज शिर्डीचे पहिले आमदार स्व. चंद्रभान भाऊसाहेब घोगरे पाटील यांच्या स्मृतींना अभिवादन केले.
जन्म : 28 नोव्हेंबर | मृत्यू : 1 जून 2001
स्व. दादांनी 1943 साली लोणी खुर्दचे पोलीस पाटील म्हणून जनसेवेला सुरुवात केली. त्यानंतर त्यांनी सरपंच, रयत शिक्षण संस्थेचे सदस्य, जिल्हा मध्यवर्ती बँकेचे संचालक, श्रीरामपूर तालुका सूतगिरणीचे संस्थापक संचालक, प्रवरा मेडिकल ट्रस्टचे संस्थापक विश्वस्त, प्रवरा सहकारी बँकेचे अध्यक्ष, प्रवरा साखर कारखान्याचे अध्यक्ष अशा अनेक पदांवर काम केले.
1978 ते 1980 या काळात ते शिर्डी विधानसभा मतदारसंघाचे पहिले आमदार होते. 1950 ते 1990 सलग 40 वर्षे प्रवरा सहकारी साखर कारखान्याचे संचालक म्हणून त्यांनी काम पाहिले.
स्व. चंद्रभान दादांनी भूषविलेली प्रमुख पदे :
1943 – पोलिस पाटील, लोणी खुर्द
1949 – सदस्य, प्रवरा सहकारी साखर कारखाना
1950 ते 1990 – संचालक, प्रवरा सहकारी साखर कारखाना
1952 ते 1953 – सरपंच, लोणी खुर्द
1960 – संचालक, अ.नगर जिल्हा मध्यवर्ती सहकारी बँक
1964 – संस्थापक संचालक, श्रीरामपूर तालुका सूतगिरणी
1972 ते 1974 – अध्यक्ष, प्रवरा सहकारी बँक
1975 – संस्थापक विश्वस्त, प्रवरा मेडिकल ट्रस्ट
1976 – अध्यक्ष, प्रवरा सहकारी साखर कारखाना
1978 ते 1980 – आमदार, शिर्डी विधानसभा मतदारसंघ
“सहकार, शिक्षण, ग्रामविकास आणि लोकसेवा या क्षेत्रातील त्यांचे योगदान पुढील पिढ्यांसाठी प्रेरणादायी दीपस्तंभ आहे”, अशा भावना यावेळी ग्रामस्थांनी व्यक्त केल्या. दादांच्या प्रतिमेस पुष्पहार अर्पण करून आदरांजली वाहण्यात आली.
