श्री साईबाबांच्या पावन भूमीत राहता तालुका अध्यक्ष राष्ट्रवादी काँग्रेस पार्टी व साई संगम सेवाभावी संस्थेचे संस्थापक अध्यक्ष संदीप सोनवणे तसेच आर झुनझुनवाला शंकरा आय हॉस्पिटल नवीन पनवेल यांच्या संयुक्त विद्यमानाने हॉटेल साई संगम येथे मोतीबिंदू तसेच डोळ्यावरील शस्त्रक्रिया व सर्व उपचार याचे मोफत शिबिर आयोजित करण्यात आले या शिबिरासाठी शिर्डी सह जिल्हाभरातून तसेच आजूबाजूच्या जिल्ह्यातून गरजू रुग्णांनी आवर्जून हजेरी लावत मोफत तपासणी करवून घेतली
या प्रसंगी शिबिरासाठी एक दिवस आधी आलेल्या रुग्णांना रात्री राहण्याची आणि जेवणाची व्यवस्था संदीप सोनवणे यांच्या वतीने करण्यात आली होती तर सकाळी देखील चहा आणि नाश्ता रुग्णांना देण्यात आला पहिल्यांदाच आयोजित केलेल्या नेत्र तपासणी शिबिराला रुग्णांनी उदंड प्रतिसाद दिला व शिबिराचा लाभ घेतलेल्या रुग्णांनी व महिला भगिनींनी अतिशय नियोजनबध्द शिबिराच्या आयोजना बद्दल आयोजकांचे आभार मानले
