*पुणतांबा ग्रामसेवकाचा मनमानी कारभार! मनसे आक्रमक, BDO ला दुसरे निवेदन!*
*राहाता | ५ ऑक्टोबर २०२६:*
पुणतांबा गावातील ग्रामसेवक मनमानी कारभार करत असल्याचा आरोप करत महाराष्ट्र नवनिर्माण सेनेने आक्रमक पवित्रा घेतला आहे.
*मनसे तालुकाध्यक्ष गणेश अशोक जाधव पा. आणि उप तालुकाध्यक्ष विकी बेंद्रे* यांनी पंचायत समिती राहाता चे *BDO साहेबांना दुसरे निवेदन* दिले आहे.
निवेदनात म्हटले आहे की, पुणतांबा येथील ग्रामसेवक गावातील नागरिकांना अरेरावी करतात, वेळेवर ग्रामपंचायतला हजर राहत नाहीत, लोकांना वेगवेगळ्या धमक्या देतात, शासकीय कामात अडथळा आणतात तसेच अॅट्रॉसिटी सारखे केसेस करेल अशा ग्रामस्थांना धमक्या देतात.
यापूर्वीही एक निवेदन दिले होते, मात्र त्यावर तोडगा काढला नाही. आता हे दुसरे निवेदन आहे. तुम्ही यावर त्वरित लक्ष घालावे. अन्यथा कायदा हातात घेतला तर याला सर्वस्वी जबाबदार तुम्ही असाल, असा इशारा मनसेने दिला आहे. हे महाराष्ट्र नवनिर्माण सेना उघड्या डोळ्यांनी बघू शकत नाही.
ग्रामसेवकास कामकाजाच्या गावी राहण्यास सक्ती करावी व बायोमेट्रिक हजेरी चालू करावी, अशी मागणी मनसेने केली आहे.
