*एल-निनो पार्श्वभूमीवर राहाता शहराचा पाणीपुरवठा 3 दिवसाआड 1 तास; 19 जून 2026 पासून बदल*
*राहाता, दि. 1 मे*: एल-निनोच्या पार्श्वभूमीवर महाराष्ट्र शासनाच्या आदेशानुसार राज्यातील सर्व धरणातून सिंचनासाठी सुरू असलेले पाणी आवर्तन बंद करण्यात आले आहे. दि. *31 ऑगस्ट 2026* पर्यंत सर्व शहरी व ग्रामीण भागात पिण्याच्या पाण्याचा पुरवठा अखंडित व्हावा यासाठी धरणांमध्ये आवश्यक तो पाणीसाठा आरक्षित करण्यात आला आहे.
यासंदर्भात *राहाता नगर परिषदेने जाहीर निवेदन* प्रसिद्ध केले आहे. त्यानुसार सध्या शहरातील नळद्वारे येणारा पिण्याचा पाणीपुरवठा दोन दिवसाआड 45 मिनिटे आहे. यात एक दिवसाची वाढ करून *दि. 19 जून 2026 पासून पिण्याच्या पाण्याचे वितरण तीन दिवसाआड व एक तास* करण्यात येणार आहे.
नागरिकांनी पाण्याचा काटकसरीने वापर करावा व नगर परिषदेला सहकार्य करावे, असे आवाहन करण्यात आले आहे.
*आपले नम्र,*
डॉ. स्वाधीन गाडेकर – लोकनियुक्त नगराध्यक्ष
श्री. वैभव लोंढे – मुख्याधिकारी
डॉ. विजय सदाफळ – उपनगराध्यक्ष
श्री. नितीन गाडेकर – पाणी पुरवठा सभापती
सर्व सन्मा. नगरसेवक, नगरसेविका – राहाता नगर परिषद
