होळी हा वाईट प्रवृत्तीवर चांगल्या प्रवृत्तीच्या विजयाचे प्रतीक असलेला सण आहे अशी भावना भाजपाचे नेते डॉ.राजेंद्र पिपाडा यांनी बोलताना व्यक्त केली. भारतीय जनता पक्षाचे नेते डॉ. राजेंद्र पिपाडा व राहाता नगरपालिकेच्या प्रथम लोकनियुक्त नगराध्यक्षा सौ.ममता पिपाडा यांनी होळी प्रज्वलित करून होळीचा सण आपल्या कुटुंबियांसह मोठ्या उत्साहात, आनंदी वातावरणात व पारंपरिक पद्धतीने साजरा केला. यावेळी आरपीआयचे नेते दिलीपराव वाघमारे,नरेंद्र पिपाडा,मदनलाल पिपाडा,सुरेश गरुड,महावीर पिपाडा,सुखदेव गोलांडे,निखील पिपाडा,दीपक गायकवाड,साहील पिपाडा,माया पिपाडा,रामदास येवले,श्रृती पिपाडा-बंब आदी उपस्थित होते. याप्रसंगी पौरोहित्य वेदशास्र संपन्न शशिकांतजी निलखे गुरु यांनी केली.
याप्रसंगी बोलताना डॉ. राजेंद्र पिपाडा म्हणाले की, होळी हा वाईट प्रवृत्तीवर चांगल्या प्रवृत्तीच्या विजयाचे प्रतीक असलेला सण आहे. समाजात प्रेम, बंधुभाव व एकोपा वाढविण्याचा संदेश या सणातून मिळतो. नागरिकांनी पर्यावरणपूरक, सुरक्षित व संयमाने होळी व धुळवड साजरी करावी, असे आवाहन त्यांनी केले.
सौ. ममता पिपाडा यांनीही सर्व नागरिकांना होळी व धुळवडीच्या हार्दिक शुभेच्छा देत, समाजात सौहार्द जपणे ही काळाची गरज असल्याचे सांगितले. सणांच्या माध्यमातून सामाजिक ऐक्य अधिक दृढ व्हावे, अशी अपेक्षा त्यांनी व्यक्त केली.
उत्साहाच्या व आनंदाच्या वातावरणात उपस्थितांनी होळी सण साजरा केला.
